Segðu NEI við eiturlyfjadjöfulinn!

Segðu NEI við eiturlyfjadjöfulinn!

Ég fékk köllun – segir Svavar Sigurðsson sem berst við fíkniefnadjöfulinn

Svavar Sigurðsson ákvað 58 ára gamall að fylgja eftir köllun Almættisins og heyja baráttu gegn fíkniefnadjöflinum.

Í þeim tilgangi hefur hann keypt ýmsan tækjabúnað fyrir 5,7 milljónir króna, eins og myndavélar, tölvur, gsm-síma, myndaeftirlitsbúnað, nætursjónauka og önnur njósnatæki og fært fíkniefnalögreglu og tollgæslu til afnota.

Svavar segir að barátta Alþingis við fíkniefnaflutning og neyslu íslenskra unglinga minni á strút sem stingi höfðinu í sandinn. ,,Á Íslandi er starfandi eiturlyfjamafía að hluta til erlend,” fullyrðir hann.

,,Hún er komin með fjármuni sína inn í íslenska banka og inn í kvótakerfið. Þetta eru milljarðar. Þetta er gert til að ná tökum á Íslandi og breyta því í allsherjar fíkniefnabæli til afnota fyrir heimsmafíuna.”

Svavar segir að það fari lítið fyrir sjálfstæði landsins. ,,Ekkert,” segir hann, ,,hvorki sjúkdómar, slys eða önnur dauðsföll tekur jafn mörg mannslíf, eins og fíkniefni.”

 

Efnisyfirlit

 

Þótt Svavar Sigurðsson sé óánægður með liðveislu stjórnvalda í baráttunni gegn fíkniefnadjöflinum styður Hjálmar Árnason, fyrrverandi þingmaður, hann að minnsta kosti heilshugar.

Þjóðarátak Svavars Sigurðssonar

Það eru fleiri en Svavar Sigurðsson sem leggja sitt að mörkum í baráttunni gegn ,,fíkniefnadjöflinum”. Grýlu og Leppalúða samtímans. Fyrir nokkrum árum stóðu samtökin Vímulaus æska fyrir undirskriftarsöfnun ,,Gegn lögleiðingu eiturlyfja” sem um 26 þúsund Íslendingar staðfestu. Um tilefni átaksins mátti lesa á heimasíðu samtakanna: ,,Um áraraðir hafa einstaklingar og samtök unnið að því að grafa undan sáttmálum Sameinuðu þjóðanna um eiturlyf … með það fyrir augum að auðvelda aðgengi að og notkun á eiturlyfjum og jafnvel að hvetja til lögleiðingar ákveðinna eiturlyfja. Endanlegt markmið þessarar baráttu er að binda endi á bann við neyslu ólöglegra eiturlyfja. Baráttumenn fyrir lögleiðingu eiturlyfja reyna að kynna jákvæðar hugmyndir í pólitísku samhengi með það fyrir augum að láta svo líta út fyrir að skelfileg áform þeirra sýnist eiga heima í samfélagi siðaðra manna. Í apríl 2993 [sic] verður farið yfir það í Vínarborg hvaða árangur hefur náðst nú, þegar áætlunin er hálfnuð, í framhaldi af sérstöku þingi Sameinuðu þjóðanna um eiturlyf … Stuðningsmenn eiturlyfjaneyslu ætla í tengslum við þessa athugun að reyna að afla sér pólitísks stuðnings til að gera breytingar á sáttmálum Sameinuðu þjóðanna um eiturlyf eða að afnema þá til að auðvelda notkun ólöglegra eiturlyfja, þar með talið að lögleiða eiturlyf. Plága ólöglegra eiturlyfja er allt of alvarleg til þess að um hana véli einstaklingar sem ekki eru í stakk búnir til þess að taka fulla ábyrgð á núverandi og komandi kynslóðum.”

Hjálmar segir af því tilefni: ,,Þjóðin stendur í mikilli þakkarskuld við Svavar Sigurðsson. Hin ötula barátta hans og köllun gegn fíkniefnadjöflinum er gott fordæmi fyrir alla.”

Gott samband við GuðFara efst

,,Guð talaði við mig og sagði hvað ég ætti að gera og við erum í góðu sambandi alla daga,” segir Svavar sem skildi við eiginkonu sína og seldi eigur sínar fyrir níu árum og hefur síðan ferðast um landið og lagt lið í baráttunni við eiturlyf.

,,Ég er búinn að fara sjö hringi í kringum landið og auðvitað tekið Vestfirði oft með, auk þess eru margar sérstakar ferðir til Akureyrar,” segir hann.

Nýja tækið er skynjari sem finnur eiturlyf innanklæða, en hann segir að Karl Hermannsson, yfirlögregluþjónn í Keflavík, hafi sýnt tækinu mikinn áhuga.

Svavar er að funda með þingmönnum til að reyna að koma því í gegn að tækið verði keypt.

Stuðningur Svavars felst í tæknilegri aðstoð sem og fjárhagslegri.

Frjálst ÍslandFara efst

,,Hugsjón og áræði Svavars fer víða, honum hefur borist bréf frá fíkniefnadeild Hvíta hússins í Washington þar sem deildin samþykkir hann til samstarfs.”

Helsta baráttumál hans í þessu átaki sínu, er að frelsa Ísland undan eiturlyfjamafíunni, sem hefur náð mikilli fótfestu hérlendis. ,,Áhrif mafíunnar eru mikil og pólitísk og eiturlyf eru markaðssett með mútri.

Ef menn eru ekki sammála mér hvet ég þá til að lesa bókina Falið vald eiturlyfjakolkrabbans eftir Jóhannes Björn.”

Svavar hefur gefið öllum þingmönnum, lögreglustöðvum, Seðlabankanum, Samkeppnisstofnun og skattstofum landsins eintak af bókinni og er sannfærður um að hún hafi verulega hjálpað.

En hann telur mikilvægt að vinna hörðum höndum gegn þessari þróun, því annars getum við kvatt sjálfræðið.

Forsetaembættið tímaspursmálFara efst

,,Framtíð þjóðarinnar er í mikilli hættu ef ekkert er að gert. Margir einstaklingar sem neyta fíkniefna, þroskast á ranghugmynum. Lifa jafnvel allt sitt líf í stanslausum misskilningi.”

Hugsjón og áræði Svavars fer víða, honum hefur borist bréf frá fíkniefnadeild Hvíta hússins í Washington þar sem deildin samþykkir hann til samstarfs.

,,Ég get þjónað öðrum löndum líka, andinn minn er það sterkur,” segir hann.

Svavar hefur náð ágætum árangri á þessum níu árum og þar má nefna fíkniefnasamning Sameinuðu þjóðanna um þvætti, leit, hald, upptöku og ávinning af afbrotum sem samþykktur var á Alþingi 19. febrúar 1997, en hann fékk þessa afgreiðslu í afmælisgjöf.

Hann kom þessu áleiðis til þingsins með aðstoð frá Svavari Gestssyni, Rannveigu Guðmundsdóttur og Ólafi G. Einarssyni þáverandi forseta Alþingis.

Í dag hefur hann mikil og góð samskipti við embættis- og þingmenn sem og bæjarstjóra hringinn í kringum landið.

,,Ég hef mikil áhrif og allt að því meiri völd en ríkisstjórnin og það er bara tímaspursmál hvenær ég verð forseti,” segir Svavar og hlær.

Berjumst gegn eiturlyfjum!

Viðtal við Svavar Sigurðsson: arni@snn.is. Formáli og myndatexti: Guðmundur Sigurfreyr. Kynnið ykkur .

Prentvæn útgáfa Prentvæn útgáfa Senda með tölvupóst Senda með tölvupóst