Mér þykir þetta góð og ítarleg grein, en þó finnst mér að vanti þá spádóma um framtíðina, t.d. eins og það að hann spáir fyrir sprengjunum í NY!

Mér þykir þykir heimasíðan þín góð og þar er að finna margar athyglisverðar greinar en get ekki mælt með henni vegna skrifa þinna um fíkniefnamál. Ég skil ekki hvernig maður sem hefur svona heilbrigðar skoðanir í uppeldismálum getur dásamað eiturlyf og mælt með lögleiðingu þeirra. Veistu ekki að á hverju ári deyr fjöldi ungmenna á Íslandi vegna neyslu eiturlyfja?

Ég rakst á þessa heimasíðu þína í leit að upplýsingum um Nostradamus. Las sumar af þessum fíkniefnagreinum þínum og verð að segja að þar kveður sannarlega við annan tón en maður á að venjast. Ég hef nú hingað til verið mótfallinn allri eftirgjöf í baráttunni við ólögleg fíkniefni. En þegar málsmetandi menn á borð við Jón Steinar Gunnlaugsson lögfræðing og Jónas Kristjánsson ritstjóra DV eru farnir að mæla þessu bót leggur maður ósjálfrátt við hlustir. Þú virðist vera nokkuð vel að þér og getur orðað hlutina fallega og ert jafnvel sannfærandi á köflum. En það nægir mér ekki. Ég vill fá tölfræðilegar og vísindalegar staðreyndir í hendurnar áður en ég skipti um skoðun.

Til hamingju með frábæra heimasíðu! Skrif þín um kannabis eru hrein snilld. Þú ert líklega eini penninn á Íslandi sem þorir að synda á móti straumnum og segir skoðun þína umbúðalaust. Ef fleiri væru eins og þú væri ástandið hérna mun skárra. Allir hefðu gott af því að lesa þessar greinar þínar um fíkniefnamál. Veistu hvort að til séu leiðbeiningar á íslensku um hvernig rækta á kannabisjurtina?

Til hamingju með flotta heimasíðu ... þó flest af innihaldinu höfði ekki til mín ...

Var að leita að einhverju sniðugu til að lesa á netinu þegar ég rakst á þessa síðu. Get nú bara sagt það að milli þess sem ég þarf að vinna hef ég ekki getað slitið mig frá þessu. Nú síðast var ég að lesa um fyrri líf, þetta þykir mér eitt af því merkilegasta sem við komumst í tæri við hér á jörðu niðri. Þetta eru vel skrifaðar greinar, forvitnilegar og fróðlegar. Endilega haltu áfram að koma með fleiri greinar, þá held ég áfram að mæta á síðuna og læt hana leka milli fólks. Takk, takk :)

Álit mitt er einfalt og rétt vegna þess að ég hef upplifað það og það stendur í Biblíunni. Ég trúi því að endurkoman verði þannig að Jesús komi að sækja alla þá sem elska Jesú, og virkilega trúa á hann og þekkja hann, mjög fljótt. Það stendur í Nýja testamentinu og í Opinberunarbókinni að Jesús mun koma og sækja þá sem virkilega elska hann. Þetta er mín skoðun og ég veit að hún er sönn, hvað getur eitthvað fjall hjálpað manni og einhverjir fallegir steinar þótt eitthvað fólk haldi því fram að það sé einhvers konar orka í þeim? Það getur ekki hjálpað manni neitt að trúa á steina eða jökul sem eru ekki einu sinni lifandi. Ég get fullyrt það að Jesús er til af því að ég þekki hann og hann hefur gert margt fyrir mig og hann hefur hjálpað mér og mörgum. Ég vil bara að þið vitið mína skoðun og ég vona að hún breyti kannski ykkar.

Guði sé lof að einhvers staðar séu birtar greinar um ávana- og fíkniefni sem ekki eru ofurseldar heimskulegum fordómum og hræðsluáróðri, sem virkar nær alltaf öfugt. Besta leiðin í forvörnum og til að fyrirbyggja misnotkun vímuefna, löglegra sem og ólöglegra, er einmitt hlutlaus fræðsla. Ég get því miður ekki sagt að greinarnar á þessari síðu séu algjörlega hlutlausar, en þær skapa mjög mikilvægt mótvægi við umfjallanir hinna stóru fjölmiðla. Ég notaði sjálfur ólögleg vímuefni í nokkur ár og geri mér því grein fyrir því að þau geta verið skaðleg, mismikið eftir því hvaða efni er miðað við, en ég styð samt sem áður lögleiðingu kannabisefna þar sem þau hafa mun betri þjóðfélagsleg og félagsleg áhrif en áfengi.

Loksins einhver sem þorir að draga staðreyndir upp á yfirborðið. Mér finnast það sjálfsögð mannréttindi að fá að kjósa sjálfur hvaða vímuefni ég nota, þó svo að ég noti ekki nein. Fólk á ekki að þurfa að eiga það á hættu að lenda í fangelsi, líða mannorðshnekki eða verða fyrir öðru tjóni vegna þess eins að vilja "gera sér glaðan dag". Einnig mundi ég kjósa að hafa þetta löglegt til þess að koma í veg fyrir að afkvæmi mín komist í þetta, í framtíðinni, fyrr en þau eru orðin nógu gömul og þroskuð til þess að geta tekið meðvitaða og sjálfstæða ákvörðun um hvort þetta sé eitthvað sem þau vilja eða ekki.

Vel hönnuð og uppbyggð síða með athyglisverðu efnisvali. Til fyrirmyndar í alla staði. Ég vona þú hafir tíma til að bæta við efni í náinni framtíð.

Ég las vel & vandlega greinar þínar um fíkniefni. Sjálfur hef ég safnað upplýsingum um kannabis og önnur fíkniefni í mörg ár. Það er augljóst að þú lætur ekki áróður og órökstuddar fullyrðingar ná til þín. Ég get ekki betur séð en að allt það sem fram kemur um kannabis hjá þér, sé rétt & satt.

Mikilvægast er þó að aðskilja umræðuna um sterk efni og svo kannabis. Það er eitt að lögleiða hassneyslu og annað að leyfa neyslu kókaíns. Samkvæmt ,,Skrá-1" hjá Sameinuðu þjóðunum um ávana- & fíkniefni, teljast þau efni hættuleg og vanabindandi, sem gera heilanum ófært um að fylgjast með losun boðefna er gefa einstaklingnum ,,vímuna". Í heilanum er svokölluð ,,THC móttökustöð" (sem ísraelskur vísindamaður fann á dögunum) og þýðir að heilinn/líkaminn þekkir THC(virka efnið í kannabis) frá náttúrunnar hendi. Kannabis á engan veginn heima í sömu umræðu og kókaín, heróín, amfetamín og vodki. Kannabis er í flokki með, te, kaffi, sykri, orkudrykkjum, bjór og öðru drasli sem annars fer ofan í okkur daglega.

Svo er það smá punktur! Ég er löghlýðinn borgari. Ég keyri ekki (allof) hratt, stoppa við gangbrautir, býð gömlum konum sætið mitt í strætó ... Svo þegar ég kem heim á kvöldin og vil fá mér eitthvað lítið skaðlegt og vægt róandi, þarf ég að leggja (t.d.) það á mig að keyra yfir hálfan bæinn, ná í 1 gr. af hassi og reyna að komast heim án þess ad löggan (sem er á kaupi hjá mér) stoppi mig og handtaki.

Notabene! 1 gr. er hugtak sem ekki þekkist þar sem hass er löglegt.

Nema hvað? Ef ég væri á sömu leið heim og löggan stoppaði mig og ég væri með fullt skottið af brennivíni og aftursætin full af bjórkössum ... þá er ég löglegur?!?

1 gr. af hassi versus fullur bíll af alkahóli!

En svona eru jú bara lögin ... Lögin sem eiga að túlka vilja fjöldans í landinu. Skrítið! Því hvert sem ég fer, í partý, á nýjan vinnustað, hitti fólk ... hvar sem er... allir reykja! Ég slumpa á að þriðji hver maður á aldrinum 16-46 hafi eða reyki kannabis á Íslandi. En þetta eru bara mínar skoðanir.

Rökin fyrir banninu standast engan veginn gagngrýni.

Meira seinna....

Frábærar greinar!

Ég hef búið erlendis undanfarið og gerði mér engan veginn grein fyrir því að svona vitræn sjónarmið kæmust í fjölmiðlana á Íslandi nú til dags, þú komst mér svo sannarlega skemmtilega á óvart.

Ég vona bara að þú sért ekki kominn á svartan lista á of mörgum stöðum, fólk þarf að fá að hlusta á allar hliðar málsins. Keep up the good work :)

Ég er 19 piltur á Akureyri og reyki kannabis og hef gert um nokkurt skeið. Svo undarlegt er að þunglyndið sem ég þjáðist af hefur ekki versnað við kannabisneyslu mína heldur hefur mér tekist að ná betri tökum á minni vanlíðan og hef ég komist að því að hugleiðsla og hass á mjög vel saman, einnig jóga og hasssmókar ;) Ég hef verið að stunda jóga og hugleiðslu aðeins og það hefur gefið mér margt og kannabis hefur bætt, ef eitthvað er, frammistöðu mína í djúpri hugleiðslu. Vinsamlegast birtu þó ekki nafn mitt vegna þess að fólk álítur kannabis ekki vera jákvætt - eins og er - en því miður hafa fæstir haft reynsluna af því að það er mun skárri vímugjafi en áfengi.

Kannabis hefur verið notað í aldaraðir á Indlandi sem stuðningur í jóga og íhugun, og var ennfremur notað sem lyf við þunglyndi, um og fyrir þar síðustu aldamót. Hins vegar verður að gæta þess að nota kannabisefni, eins vímugjafa almennt, í hófi. Ég þekki dæmi þess að óhófleg notkun kannabis hafi leitt til þunglyndis hjá viðkomandi. Í þessum efnum er farsælast að feta hinn gullna meðalveg, milli öfga hóglífis og afneitunar, eins og hinn upplýsti Búddha kennir okkur.

Blessaður Sigurfreyr!

Einhver fróðlegasta og áhugaverðasta grein sem ég hef lesið. Þrátt fyrir heilan vetur í sögutímum, en helmingur þeirra var um nasisma, þá hafði ég aldrei heyrt minnst á ,,dulspeki nasismans".

Á vefsíðunni er margt athyglivert, svo langt sem það nær. Ég, ásamt stöllu minni, erum þó sammála að fremur sorglegt er að lesa greinar sem upphefja notkun kannabisefna. Neytendur kannabisefna eru að okkar mati ekki fólk sem ánægjulegt og upplífgandi er að eiga samskipti við. Þessi sífellda upphafning á kannabisefnum er frekar þreytandi og samdóma álit okkar að neytendur kannabisefna framkvæma lítið annað en að verma stólana. Ef þetta er ákjósanlegur lífsmáti að sitja freðinn og telja sjálfum sér og öðrum í trú um að þetta göfgi hugann, er það sorglegur misskilningur. Athyglivert er að bera þessa fíkn saman við aðrar. Hvar er til heimasíða sem eyðir jafnmiklu púðri í að dásama heróín? Allir þeir sem hafa umgengist fólk sem notar þetta efni að staðaldri veit hvaða metnaðarleysi, dugleysi og doði fylgir neyslunni og er okkur hulin ráðgáta hvað jákvæðu áhrif ofangreind lýsing getur haft á líf fólks og samferðamanna þeirra.

Vissulega eru þess dæmi að fólk noti kannabisefni í óhófi, t.d. mörgum sinnum á dag, á hverjum degi, í fjölda mörg ár, og sýna sumir fyrir vikið þau einkenni sem þið teljið upp. Sá hópur er þó í verulegum minnihluta af neytendum kannabisefna (um 1 til 3 prósent samkvæmt þýskri könnun). Eigum við að fordæma og bannfæra neyslu áfengis af þeirri ástæðu að ákveðinn hópur manna misnotar það, t.d. með því að drekka nær daglega, og því sem næst hvað sem er, til þess eins að komast í áfengisvímu. Tilgangurinn með skrifum mínum um fíkniefni er ekki að upphefja þau, heldur hitt að benda á að þau hafa fylgt mannkyni frá árdaga, og hafa gengt mikilvægu hlutverki til góðs ekki síður en til ills. Fyrst og fremst er þó markmiðið að benda á hversu fáránleg núverandi löggjöf í fíkniefnamálum er. Mundu þið t.d. vilja eiga það á hættu að vera dæmd í sex mánaða fangelsi fyrir að eiga eina bjórkippu inn í ísskáp eða vera með hálftómt pilluglas af valíum í svefnkommóðunni ykkar? Þið spyrjið hvar sé ,,eytt jafnmiklu púðri í að dásama heróín"! Þess er að geta að heróín á ekkert sameiginlegt með kannabisefnum nema það eitt að þau eru hvoru tveggja bannfærð fíkniefni samkvæmt núgildandi lögum. Heróín er hins vegar, hvaða vanabindingu og skaðsemi varðar, miklu líkara tóbaki og áfengi. Heimasíður sem dásama og auglýsa áfengi og mæla með hóflegri neyslu þess eru mýmargar á netinu.

Greinin sem slík er nokkuð góð en þó ansi takmörkuð að mörgu leyti. Hún er, ef svo má að orði komast, úrelt. Í dag eru fleiri aðferðir sem standa verðandi mæðrum til boða, svo sem heimafæðing, sem er að mínum dómi náttúrulegasta aðferð í fæðingu. Þar sem foreldrar eru á heimavelli og konan gerandi en ekki ólandi, eins og vill verða inni á spítala.

Eins finndist mér að þú ættir að láta prófarkalesa allt efni sem inn á síðuna fer, leiðinlegt að sjá villur í texta.

Greinin fjallar fyrst og fremst um kenningar hinna ýmsu sálfræðinga og geðlækna um möguleg áhrif fæðingareynslunnar á einstaklinginn síðar meir - og getur þess vegna varla talist ,,úrelt" í sjálfu sér. Hins vegar er rétt sem þú segir að framfarir hafa verið á þessu sviði, eins og t.d. vaxandi hlutdeild heimafæðinga er dæmi um.
Að láta prófarkalesa allt efni sem inn á vefsíðuna fer hljómar mjög vel - veistu um einhvern sem gæti tekið slíkt að sér í sjálfboðavinnu eða fyrir litla upphæð? :-)