Vá, ég finn til slíkrar samúðar með ykkur eldhugunum að ég klökknaði, ef ekki við það að bresta í grát. Það er mér nú loks ljóst, ég sé ljósið, hvað allir, allir aðrir, þar eð þeir sem eru á móti lögleiðingu kannabisefna, eru mikil fífl og fábjánar og stjórnast af eigingjörnum hvötum. Annað en þið, ó þið miklu, sönnu boðberar sannleikans.

Svo ég vanmeti nú ekki greindarskort fólks, það gerið þið sannanlega ekki, þá ber að lesa þetta innlegg sem háð. Hafiði heyrt setninguna um steinana og glerhúsið??

Það sem gleymist í allri þessari umræðu varðandi kannabisefni sem hefur verið í gangi, burtséð frá því hvaða áhrif þetta hefur á líkamann og fleira, er siðferðislegi þátturinn gagnvart því að geta valið.

Samfélag okkar verður að geta treyst fólki innan þess, til að velja sjálft og hafna. Ef menn telja að fólk sé ekki hæft til að velja rétt um það hvort þeir vilja sjúga brennandi gras vafið innan í pappír eða ekki, þá þarf nú að breyta samfélaginu, en ekki setja reglur varðandi það hvort eitthvað slíkt megi eða ekki.

Mér finnst frelsi vera mjög mikilvægt. Frelsi til að gera það sem manni sýnist gagnvart sjálfum sér. Í dag er planið hjá ríkisstjórninni að láta fólk hætta að reykja með því að hækka gjöld á slíku efni upp úr öllu valdi, svo að nú þarf maður að vera mjög vel efnaður til að velja þann valkost (ég ætla nú ekki að fara út í mótsögnina í því að leyfa kannabis, þegar sígarettur eru svo gott sem bannaðar, svo ég tali nú ekki um áfengi).

Á það að vera hlutverk yfirvalda að segja til um hvort fólk megi neyta fíkniefna eða ekki? Ef hlutverk yfirvalda er að gera þjóðfélagið að stórri peningamaskínu, þar sem allir nýta tímann sinn í eitthvað uppbyggilegt og gróðavænt, þá er svarið tvímælalaust "já". Ef hlutverk yfirvalda er einungis að skapa vissan ramma þar sem fólk geti gert það sem því langar til þá er svarið auðvitað "nei".

Þegar upp er staðið, er álit mitt það að ef við viljum lögleiða kannabis, þá þurfum við að lögleiða önnur fíkniefni líka. Ef við viljum, hinsvegar, ekki lögleiða kannabis, þá verðum við að banna önnur fíkniefni líka. Það þýðir að við verðum að banna áfengi, sígarettur, sykur, súkkulaði o.s.frv.

Þetta er allt spurning um hvert við teljum hlutverk okkar vera í lífinu, sem leiðir okkur að spurningunni hver tilgangur mannverunnar sé yfir höfuð, en það er eitthvað sem ég ætla ekki að fara út í hér.

Ætli mitt álit hafi komist til skila hér? Veit ekki.

Takk fyrir mig.

Þetta bréf frá Arnóri birtist í einum spjallþræði sigurfreyr.com en ég hef það jafnframt hér því mér þykir innihald þess athyglisvert.

Ekki veit ég hvaða ,,pottheads" standa að þessari grein og eru ekki tilbúnir að viðurkenna staðreyndir eins og skaðsemi kannabisefna, ávanahættuna, hið sjúklega framtaksleysi, mjög svo götótt minni, neita að trúa vísindamönnum sem segja ykkur að neysla kannabis VELDUR oftar en ekki geðklofa, (sem gengur tilbaka þegar neyslu er hætt), og það er nú svo að við sem höfum losnað úr viðjum kannabis og höfum verið án þess í einhver 1-2 ár eða lengur sjáum að megnið af því sem þið skrifið í greinni ykkar er tóm tjara.

Með von um að þið komist líka frá neyslu þessara efna.
Gísli

Ef þú hefðir lesið greinina til enda væri þér kunnugt um hverjir skrifuðu hana. Það er til máltæki á ensku sem segir: ,,Don´t Shoot the Messenger!". Það á vel við hér því við erum eingöngu að taka saman kunnar vísindarannsóknir og niðurstöður þeirra um kannabisefni og vísum mjög ítarlega í allar heimildir. Hvað getum við sagt? Ef þú ert ekki sáttur við niðurstöður vísindarannsókna er ekki við okkur að sakast. Að sjálfsögðu eru til einstaklingar sem ættu alls ekki að snerta kannabisefni, frekar en t.d. áfengi eða fjárhættuspil, fíknir einstaklingar sem best eru hafðir í ævilöngu bindindi. Ég held t.d. að þeir sem nota áfengi í hófi, sér og öðrum til yndisauka, yrðu seint sáttir við það að láta fyrrverandi dagdrykkjumenn og sprittróna, predika yfir hausamótunum á sér, um skaðsemi og djöfulgang áfengis. Að okkar mati verður hver og einn að meta hvað hentar honum persónulega og hafa frelsi til þess. Þegar kemur að endurlögleiðingu kannabisefna er skaðsemi þess eða skaðleysi ekki kjarni málsins. Heldur hitt að refsistefna gegn kannabisneytendum hefur beðið skipbrot og er skaðlegri, bæði fyrir einstaklinginn og samfélagið í heild, heldur en neysla efnisins sjálfs. Fíkniefnaneysla er heilbrigðismál en ekki lögreglumál.

Lífið er lítt spennandi í þessum frumskógi efnishyggjunnar. Því sættum við okkur við þessa stuttu hamingju sem efnishyggjan gefur af sér!? Við hringsnúumst í endalausum vítahringjum þar sem við fáum ekkert í okkar hlut sem er þess virði af tíma okkar og orku. Við höfum þróast efnislega en hvenær tökum við skrefið að andlegu hliðinni og finnum tilgang með lífinu? Hvenær fara leiðtogar okkar að skilja að það er EKKI hægt að stýra eldi með sverðum! Því kveikjum við ekki eldinn og lifum til fulls!?

Mér þykir þú nú heldur bölsýnn sannast sagna. Ef þú vilt rækta andann og finna dýpri tilgang með lífinu þá eru nóg tækifærin. Á síðastliðnum árum hefur stór hópur Íslendinga gefið sig að eigin hugar- og sálarlífi. Fjöldi fólks á öllum aldri hefur fengið áhuga á leiðum og aðferðum sem stefna að sjálfstyrkingu og fyllri þróun eigin möguleika. Sálvaxtarnámskeið af ýmsu tagi eru vinsæl og úrval þeirra vex með hverju árinu. Þannig má t.d. nefna kristið safnaðarstarf, bæn, jóga, zen-hugleiðslu, nudd, lífeflisæfingar, djúpslökun, Ananda Marga hugleiðslu, Ananda Marga Tantra Yoga, miðilsstarfsemi, heiðni og náttúrudýrkun, svithahof (svokallað ,,svett" eða ,,sweat lodge"), líkamsrækt, karate, júdó, Tai chi, ísklifur, hestamennsku, fjallgöngur, íslenskar jurtalækningar, heilun, nálastungur, bogfimi, köfun, fallhlífarstökk, líföndun, lífheilsufæði (svonefnt ,,makróbíótik"), námskeið sem gefa fólki kost á að kynnast huldum öflum náttúrunnar, Magik, dáleiðslu, stýrðar hugsýnir, Yin/Yang og margt, margt fleira. Allt eru þetta aðferðir, sem stunda má margar saman eða í sitt hvoru lagi, og geta veitt þér lífsfyllingu og lífshamingju. Það er aðeins eitt sem kemur í veg fyrir, og á sama tíma, getur gert líf þitt spennandi ... þú! ,,Leitið og þér munið finna, knýið á, og fyrir yður mun upp lokið verða."

Það er mjög sniðug hugmynd að gera hugleiðingu (þó ég viti voðalega lítið út á hvað hún gengur) að parti af námi fólks, en ef það yrði gert, yrði það bara enn einn áfanginn sem fólk þyrfti að fara í gegnum til að klára og fá prófskírteinið sitt. Lífsleikni er dæmi um eitthvað sem byrjaði líka sem mjög góð hugmynd, en varð svo útfærð alveg hræðilega!

Lífsleikni er grein sem allir nemendur þurfa að taka í sinni skólagöngu núna, en hún gengur út á að kenna fólki allt sem ekki er kennt í kennslubókunum. Eins og lífsleiknin var útfærð, er hún bara enn einn hluturinn sem nemendur verða að ljúka til að fá prófskírteinið sitt.

Til að allar svona góðar hugmyndir (eins og lífsleikni og hugleiðsla) gangi upp, þarf að hrista fyrst ærlega upp í skólakerfinu. Í greininni talar þú um það að skólakerfið gengur of mikið út á að klára einhver próf sem maður fær síðan einhverja einkunn fyrir og því er ég hjartanlega sammála. Ef maður hugsar út í það er þessi tegund af skólakerfi sem er í gangi mjög vel gerð, en til að hægt sé að bæta nýjum hugsunarhætti inn í það, þarf að breyta því alegerlega.

Ég hef náttúrulega ekki hugmynd um hvernig hægt væri að búa til betra skólakerfi, en ég veit að til þess að gera það þarf að henda því öllu í ruslið og byrja frá byrjun. Þetta er auðvitað fyrirbæri sem hefur verið að þróast í algerlega óbreyttu formi frá tímum Forn-Grikkja (og héldu þeir ekki að heimurinn væri gerður úr eldi, vatni, jörð og vindi?). Miðað við alla þá þekkingu sem við höfum aflað okkur í gegnum tíðina, virðist það beinlínis ótrúlegt að engum hafi dottið í huga að þetta verðlauna-/refsingakerfi hafi ekkert breyst.

Afl innsæisinns er atriði sem mér fannst mjög gaman að þú skildir fara inná, því að ég hef spáð mjög mikið í því hvað ég nota það mikið. Ég hef MJÖG mikla kunnáttu á tölvum, þó ég segi sjálfur frá. Ég hef tekið eftir því að ég nota mitt innsæi afar mikið þegar ég er að spá í hlutum, þó ég hafi ekki þekkingu á mörgum sviðum, þá hefur þekking mín á tölvur mikil áhrif á allt annað sem ég læri á. Suma hluti virðist maður vita án þess að hafa nokkra hugmynd um af hverju mað viti þá, maður bara bendir á eitthvað og veit hvernig það virkar einfaldlega með einhverju giski.

Að virkja og nýta þetta afl hugans, vantar all verulega í skólakerfið. Undanfarið höfum við mikið lært um það hvernig heilinn starfar og þess vegna finnst mér að við ættum að geta notað þá þekkingu til að byggja upp betra skólakerfi. Það eru líka svo margir aðrir hlutir sem maður notar svo mikið í lífinu, sem maður lærir ekkert um í skólanum, hlutir eins og að hafa stjórn á tilfinningum sínum, tjáskipti, goggunarröð (í hversdagslegum samskiptum, ekki hástétt-yfirstétt neitt), umhyggja, siðferði, útvíkkun hugans, næmni og svo mætti LENGI, LENGI telja. En að setja þessa hluti inn í núverandi skólakerfi kemur manni ekki neitt, þeir eiga eftir að enda eins og lífsleikni.

Það vantar einfaldlega meiri tilfinningar í skólakerfið, og þá á ég ekki endilega umhyggja skólayfirvalda fyrir nemendum. Það sem er í gangi inni í hausunum á okkur dags daglega er 90% tilfinningar, samt lærum við ekkert um hvernig við eigum að beita þeim eða stjórna. Þess í stað lærum við um tæknilega/bóklega hluti sem við notum í störfum okkar.

Þú er greinilega mjög lesinn maður og af þessari grein að dæma virðist þú hafa ýmsar heimildir sem þú vísar í varðandi hvernig heilinn virkar, hvernig hinn og þessi hefur skrifað um að skólakerfið sé ekki nógu gott, en hvergi kemur fram í greininni hvernig einhver af þessum snillingum mundi vilja hafa skólakerfið öðruvísi. Ég hefði því viljað sjá einhvers konar tillögur að betrumbótum á skólakerfinu.

Ég veit ekki hvort það sem ég er að hugsa hafi skilast almennilega á þetta rafræna blað, en ég vona að álit mitt skipti einhverju máli.

Takk fyrir frábæra grein.

Já og takk sömuleiðis. Það er mjög gaman af fá svona skilmerkilegt bréf. Þú ættir að senda mér grein til birtingar í ,,Aðsent efni"! Varðandi ábendingar þínar um hvernig betrumbæta mætti greinina, þ.e. að koma með tillögur til úrbóta, í stað þess að setja eingöngu fram gagnrýni, þá er það alveg hárrétt hjá þér. Ég mun því þegar betri tími gefst bæta við greinina hvaða tillögum til úrbóta forsvarsmenn heildrænnar menntunar hafa komið með. Það er jú kosturinn við það að birta efni í netheimum, þú getur alltaf breytt textanum og bætt við hann síðar meir. Prentmiðlarnir bjóða ekki upp á sama tækifæri í þeim efnum.

Þessi grein er náttúrulega bara snilld, löngu tímabært að fara að skoða staðreyndir en ekki þessa þvælu sem við fáum oftast að heyra. Ég hef mikið verið í Hollandi og hrífst af freslinu sem fólk fær að njóta þar, ótrúlegt að hið opinbera skuli vilja ákveða fyrir okkur hvað sé okkur hollast hvort sem það er box, bjór eða cannabis.

Ég er ekki sammála þeirri staðhæfingu sem sett er undir myndinni af Ingibjörgu sem segir:

,,Sama verður sagt um þá sem selja amfetamín, kókaín eða e-töflur, því ekki er hægt að finna neitt dauðsfall hér á landi sem má beinlínis rekja til neyslu þessara efna."

Nákominn ættingi minn lést fyrir 4 árum af of stórum skammti kókaíns. Því tel ég þessa staðhæfingu ekki rétta. Að öðru leyti finnst mér þessi grein þrælgóð og efnislega er vel tekið á öllum liðum.

Frábær grein en það verður að koma þessu einhvern veginn á framfæri, búa til frumvarp eða eitthvað.

Fín grein, og gaman að lesa að þú hafir verið indjáni í fyrra lífi. Mér fannst það einhverra hluta vegna augljóst þegar ég var að alast upp á Skaganum, að þú hlytir að hafa verið indjáni í fyrra lífi. Ég held núna að Jóhanna og Bói hafi verið indjánar mikið nær í sínum fyrri lífum, gaman væri að vita eitthvað um það. Ég hef lesið eitt og annað eftir þig, og fundist gaman af, sérstaklega spádóma Nostradamusar ... maður fær hland fyrir hjartað af hræðslu ha, ha. Gangi þér vel í lífi og starfi - kveðja,Þórey.

Sæl Þórey, ekki veit ég hvort Jóhanna og Bói hafi drepið niður fæti sem indíánar í einum af sínum mörgum jarðvistum, en ekki þætti mér það ólíklegt, svo mikið er víst. Varðandi spádóma Nostradamusar og reyndar alla aðra spádóma þá skyldi maður taka hæfilega mikið mark á þeim. Nostradamus spáði reyndar uppgjöri milli kristinna þjóða og múslíma, og að þau átök yrðu kveikjan að Þriðju heimsstyrjöldinni, en ég hef enga trú á því að sá tími sé í nánd. Ég held að múslímar séu ekki í stakk búnir til að gera okkur Vesturlandabúum neinar skráveifur. Hvað verður eftir 30-50 ár skal ég ekki dæma um. Bið að heilsa á Skagann!

Vægast sagt frábær grein í alla staði! Ég hef aldrei lesið jafn góða og vel uppsetta grein/ritgerð um vangaveltur um skaðsemi kannabis! Bravó, vel gert! Ég mæli hiklaust með því að allir lesi þessa grein!

Takk fyrir það!

Þessi grein hefur miklu meira en nóg af sönnunum um að marijúana er skaðlaust. Hvað getur hugsanlega gerst ef svo ólíklega vildi til að notkun þess yrði heimil? Jú, ríkið myndi neyðast til að græða FÚLGUR fjár ef það tæki sölu þess upp á eigin arma. Aldurstakmark á því væri náttúrulega skynsamast þar sem ekki er mjög gott að umgangast freðin börn, tja fyrir utan það að þau eru ekki eins hávær og ella :) Það eru einnig til sannanir fyrir því að glæpahneigð virðist minnka til muna við neyslu marijuana, sem er náttúrulega satt þar sem þú vilt ekki vera að gera neitt af þér þegar þér líður vel.

Að sjálfsögðu er kannabis ekki skaðlaust frekara en annað í tilverunni, samanber umræðuna hér fyrir neðan, en jú ég skil hvert þú ert að fara. Ég held persónulega að börn sem eru að taka út þroska hafi ekkert með það að gera að neyta kannabisefna frekar en annarra vímuefna. Ég á sex börn og lagði ríka áherslu á það þegar þau voru í móðurkviði að barnsmæður mínar snertu hvorki kaffi, tóbak, áfengi né aðra vímugjafa. Borðuðu hollan mat og hlustuðu ekki á háværa tónlist með þungum takti. Segja má að ég hafi jafnvel verið svolítið öfgafullur í kröfum mínum til þeirra en sé núna að hið ,,fullkomna" umhverfi fyrir börnin mín hefur að einhverju leyti skilað séð til þeirra núna þegar flest þeirra eru uppkomin. Kanadíska þignefndin sem fór nýlega fram á lögleiðinu kannabisefna vill að aldurstakmark við neyslu maríúana og hass sé 16 ár, en að aldurstakmark við neyslu tóbaks og áfengis ætti hins vegar að vera 18 að þeirra mati. Umhugsunarvert og segir svolítið um það hvernig þingnefndin metur skaðsemi kannabisefna í samanborið við hin löglegu fíkniefni ÁTVR.

Hvað með þá staðreynd að cannabis er reykt, hefur það engin skaðleg áhrif á lungun? Finnst nú frekar skrítið að benda einungis á staðreyndir sem hægt er að hrekja.

Okkur fannst nú svo augljóst að kannabis hefði skaðleg áhrif á lungun eins og annar reykur, t.d. tóbak, útblástur bíla o.s.frv. að það þyrfti ekkert sérstaklega að taka það fram. En þetta minnir kannski á eina bábilju sem vantar í safnið okkar, eina sem ég mun fljótlega bæta við listann, en hún hljómar svona: ,, Kannabisefni eru skaðlaus!". Þetta er jú goðsögn engu minni en hinar sem tilgreindar eru í greininni. Skaðsemi kannabisefna eru einhver varðandi lungun veit ég, hreyfingarhæfni minnkar eitthvað hef ég heyrt, sem gæti síðan valdið bílslysum þeirra sem aka skakkir - í mun munna mæli þó en haldið hefur verið fram, kannabisneyslsa getur kallað fram dulda geðveiki EF hún blundar með einstaklingnum. Þetta mun ég væntanlega fara ítarlega í á næstu dögum. En kjarni málsins er samt sá að þó að kannabis sé skaðlegt að einhverju magni, eins og allt annað getur verið í lífinu, þá er það ekki þar með rök fyrir því að gera þá sem neyta þess, selja það eða flytja inn í landið sjálfkrafa af glæpamönnum. Lögleiðum kannabisefni!

Athygliverð grein og væri fróðlegt að vita álit þingmanna okkar á henni svone rétt fyrir kosningar þó ég efist reyndar um að þeir kærðu að tjá sig nokkuð um málefnið. Tær snilld hjá þér og breytti viðhorfi mínu til hamps töluvert. Ég hef aldrei neytt kannabisefna en það kann að verða breyting á. Hverjir hafa mestann hag af því að banna neyslu kannabis? Eru það ekki þeir sem framleiða og selja löglegu fíkniefnin tóbak og áfengi?

Frábær samantekt. Vel unnið. Ef stjórnmálamenn ynnu með þessum hætti værum við í betri heimi.

Það var rétt, verst þykir mér að flestir þeirra íhaldssömu andstæðinga kannabis, sem einungis hafa orðið fórnarlömb markaðssetningarstríðs þeirra sem eiga hagsmuna að gæta í því að hafa kannabis ólöglegt, eiga ekki eftir að lesa þessa grein. En ég tek henni fagnandi, umræðan hefur farið fram nógu lengi milli andlistlausra netverja, það er kominn tími til að rífa málstaðinn fram í dagsljósið! Því kannabis-málstaðurinn er skotheldur, og öll almenn rökhugsun segir okkur að við höfum rétt fyrir okkur. Lifi baráttan!

Mjög áhugaverð vefsíða og kom mér skemmtilega á óvart. Það var líka fyrir hreinni tilviljun að ég endaði hér. Ég er að fara í háskóla í haust og mannfræðin heillar svo að ég ætlaði að kynna mér hana betur og leitin vísaði mér hingað. Ég hef verið að reykja cannabisefni að staðaldri í fjögur ár núna eða síðan ég byrjaði í menntó og hefur aldrei gengið betur í skólanum. Mér fannst ég þurfa að láta í mér kveða. Ég drekk ekki áfengi og hef aldrei notað aðra ólöglega vímugjafa, heldur sit í rólegheitunum í góðra vina hóp og smóka ....

Þessar myndir eru tvímælalaust falsaðar og líklega komnar frá deild sem ég trúi að muni vera úr hryðjuverkasamtökum Arafats á Íslandi, ég held að hún kalli sig Ísland-Palestína.

Sæll vertu.
Ég leit við á síðunni þinni og sá myndir sem eiga að vera teknar í Palestínu. Það er hins vegar munur á myndunum sem bendir til þess að þær séu falsaðar. Græni herjeppinn sem dæmi. Það sést í hægri-aftur felguna á jeppanum. Á mynd 1 og 3, er felgan grá. Á mynd 4 er hún svört og dekkið er mikið minna (annar bíll?). Ef þú skoðar myndirnar vel, sérðu að hinar tvær eru teknar á öðruvísi myndavél. Mynd 2., er 'zoom-up'. Ljósmyndari myndi ekki zomma inn með hjálp tölvu, heldur gera það í framkölluninni. Ég er samt ekki 'harður' á því að þetta séu fake-myndir. Bara umhugsun.

Take care & keep up the good work!
Peter.

Þetta er í meginatriðum rétt og er mjög góð grein um upphaf nútímagaldra og um þann tíma sem nornirnar ,,flugu úr kústaskápunum", hættu að lifa í felum og birtu leyndarmál sín. Hins vegar vil ég benda á það að flóra nornareglna og hefða er mikið meiri en bent er á í þessari grein og ekki lögð jafnmikil áhersla á kynlíf almennt eins og talað er um hér. Venjuleg norn má ekki stunda kynlífsgaldra fyrr en hún er orðin mjög reynd, því þeir eru bæði mjög hættulegir og ein öflugasta tegund galdurs. Ekki er heldur mælt með því að æðstuprestar og æðstumeyprestar hafi samfarir í trúarlegum tilbeiðslum nema þau séu gift eða samband þeirra komið á það stig að nánd þeirra sé jafn mikil og ef þau væru gift. Svo finnst mér heldur ekki lögð nógu mikil áhersla á aðrar tegundir galdurs, heldur einblínt á þessa kynlífshlið, sem er alls ekki jafnveigamikil og höfundur vill vera láta. Það felst svo miklu, miklu meira í göldrum en þetta.

Mjög áhugaverð grein, en mér finnst skorta vísanir í heimildir.

Valdarán a Íslandi!

Ég og mínir höfum mikið spáð í þessari framkvæmd. Að sjálfsögðu ekki með það fyrir augum að framkvæma valdarán, frekar að athuga kosti sem gætu veitt ríkisstjórninni smá pressu. Eða ég ætti kannski að segja; veitt ríkistjórninni ,,umhugsunarefni".

Allir hugsandi menn, geta séð fyrir sér framkvæmd valdaráns á Íslandi. Það yrði frekar einföld framkvæmd. Lögregla er engan vegin undirbúin undir alvöru átök og almenningur er meira og minna óvopnaður.

Spurningin er hins vegar hvað gerir NATÓ og enn frekar hvað gerir USA?

Líklegast af öllu er að valdaránsmennirnir væru andsnúnir núverandi ríkisstjórn og mjög líklega á móti stefnu USA í næstum einu og öllu.

Þó að við tökum þetta ekki lengra, tel ég að ef USA teldi hagsmunum sínum og NATO ógnað, myndu þeir hiklaust koma inn og taka landið aftur. Löglega kjörin ríkisstjórn landsins hefði að sjálfsögðu óskað eftir stuðningi bandamanna sinna og þeir hefðu svarað kallinu.

Ég held að þjóðin hefði gott af einni tilraun til valdaráns, sem myndi jafnvel hrapallega mistakast, en áhrifin yrðu líklega að Davíð Oddsson og feitu kapítalistarnir á fangaeyjunni Íslandi myndu hugsa sinn gang ... Eða það ætla ég að vona ... Hvað þarf eiginlega til?

Að lokum: Ég veit um tugi manna sem myndu hiklaust grípa til vopna og berjast gegn lögreglu og yfirvaldi til að koma á ALVÖRU lýðræði. Réttlátri og mannlegri ríkisstjórn. Ég veit að ég er einn þeirra.

En ætli byltingin komi ekki friðsamlega eftir allt saman. Evrópubandalagið er von okkar, fólksins. Ég veit að það er ekki fullkomið og ekki fullmótað, en EU er kostur sem við þrælarnir á Íslandi getum ekki hafnað. Við þurfum EU til að losna undan valdi lélegustu ríkisstjórnar á Vesturlöndum. Seinna getum við átt við vandamál EU, þegar við erum allavegana ekki þrælar lengur.

Ég flutti frá Íslandi til Danmerkur og er ekki á leiðinni heim aftur. Ég elska landið og þjóðina. En get ekki búið undir þrælahaldaranum Dabba D. Hér í DK er ég í fyrsta skipti að eignast hluti og borga niður skuldir og að mennta mig ... allt á sama tíma. Á Íslandi, safnar maður skuldum, eins og ríkisstjórnin.

Sælir Sigurfreyr ...

Greinarnar þínar eru hreinasta unun til lestrar, skrifaðar á faglegan og fræðandi hátt. Tilfinningin sem ég fæ við lesturinn og eftir hann er að mig hungrar í að vita meira um hvað það er sem þú fjallar um, hvort sem það er hugmyndafræði Hitlers, uppeldisfræði, Nostradamus, superlearning eða ærsladraugar. Þú ert sannanlega innblástur og ert í raun búinn að kveikja hjá mér áhuga á ýmsum málefnum sem ég þekkti ekki fyrir.

Ég er reyndar forvitinn á að vita ... ef þú vilt upplýsa mig ... þú talar um ritstjóra í grein þinni um skoðun þína á þínum fyrri lífum. Hefurðu gefið út bækur eða rit sem hægt er að komast í einhvers staðar. Mig grunar að penni sem þú ert hlýtur bara að lifa á þessum skrifum.

Síðan er virkilega vel gerð í alla staði, hrein og aðlaðandi og auðveld í meðhöndlun. Snilld hvernig þú útfærir prentaðar síður en aðeins eitt er að bögga mig... það að myndir prentast ekki með greinunum.

Ég ætla að halda áfram að prenta vef þinn út og lesa meira...

kveðja,
Jónas Þorbergsson

Þetta fólk í Krossinum eru bara fokking ruglukollar og ekkert annað. T.d. þessi sem segist vera hommi en hatar samt homma? Bíddu hatar hann þá sjálfan sig. Djöfull sem leiddi einn í dópneyslu? Heyrðu vinur, varst það ekki þú sem valdir sjálfur að prófa.

Bara eilitlar vangaveltur. Hvernig stendur á því að fyrst rannsóknir sýna hversu góð námsaðferð þetta er að hún er ekki útbreiddari eða að maður hefur heyrt talað um hana að ráði? Hún ætti að hafa haft nægan tíma til að sanna sig fyrst hún var kynnt 1982 fyrir Vesturlandabúum. Hafa Íslendingar rannsakað þetta fyrirbæri? Hvernig notar maður þessa aðferð til að læra til dæmis eðlisfræði, sögu, málfræði, stærðfræði og fleira? Ekki getur 1-2-3-4 aðferðin dugað, því hún passar ekki? Fög eins og eðlis- efna- og stærðfræði felast í því að maður prófi mismunandi aðferðir. Það er ekki hægt að læra stærðfræði með því að tala um hana eins og sögu.

Ofurnámstæknin hefur fyrir löngu sannað gildi sitt, einkum hvað varðar tungumálanám og allan utanbókarlærdóm. Hvers vegna hún er ekki notuð meir en raun ber vitni er mér hulin ráðgáta. Sjálfsagt hefur tregðulögmálið eitthvað með það að gera. Einkaskólar hafa verið opnari fyrir nýjungum og ég hef heyrt - þó ég viti það ekki fyrir víst - að málaskólinn Mímir hafi notast við þessa aðferð í sinni kennslu.

Sæll Sigurfreyr,

ég vildi bara óska þér til hamingju með greinasafnið þitt ... ég er búinn að lesa það spjaldanna á milli og finnst aðdáunarverð öll vinnan sem þú hefur lagt í efnið sem þar er að finna. Ég kannast við og veit hversu mikill tími og vinna fer í að koma efni á netið svo vel fari ...

Þetta er ein besta síða sem ég hef rekist á og greinarnar um nasismann eru frábærar. Haltu áfram, þú ert á réttri braut.

SJS.

Frábær grein, skemmtileg lestning og ég skora á þig að fjalla meira um Míþrasi trúnna, mjög athyglisvert og svo sannarlega vert að fjalla meira um.

Mig langar bara að segja þér hvað þetta er frábær síða og hvað þessar greinar grípa mann gjörsamlega.

Ég mæli með henni við alla, þar sem ég kem inn hjá fólki sem er eitthvað á netinu og segi þeim frá þessu.

Þetta er allt saman skoðanir sem ég er sammála og vitað af en aldrei komist í neitt svona sem er jafn fræðandi um hlutina.

Keep up the good work...!!!
FRÁBÆR SÍÐA.

Þakka þér fyrir kærlega fyrir. Ég hef reyndar heilmikið af efni sem bíður þess að komast á netið og þegar maður fær svona hrós þá ýtir það við manni að gera betur og meira.

Þetta er án vafa ein "BESTA" vefsíða sem ég ef lagt augu mín á! "Dulspeki nasismans" er eitthvað sem ég mæli með að ,"ALLIR" íslenskir heiðingjar verði barasta að lesa, ég hafði mjög gaman af þessu. "Sigurfreyr þú ert alveg frábær!"

Ég veit ekki hvar ég átti að skrifa þetta þannig ég geri það bara hér. Þessi síða er mjög góð. Hér eru margar góðar greinar en auðvitað hefur maður ekki alltaf sömu skoðun og þú en það er auðvitað bara eðlilegt.

Það er hinsvegar eitt sem gerir mig pirraðan þegar ég er að lesa þessa síðu sem veldur því að ég nenni ekki að stoppa eins lengi. Það er að þegar ég læt músina vera kjurra á síðunni í smá tíma þá kemur alltaf upp ,,Greinasafn Sigurfreys".

Þetta er pain. Þegar ég er að hraðlesa yfir eitthvað þá nota ég músina oft og þá er þetta alltaf að ,,poppa upp".

Af minni hálfu ættir þú að henda þessu burt.

Annars góð síða.

Bjarni, þetta er líklega rétt á þér. Ég mun ekki bæta þessu við síðurnar í framtíðinni og fjarlæga það sem er fyrir smám saman. Takk fyrir ábendinguna.

Komdu sæll!

Vefsíðan er í sjálfu sér góð. Afbragðsvel unnin og útlit og hönnun til fyrirmyndar. Greinarnar, a.m.k. þær sem ég hef lesið fjalla flestar um skemmtilega áleitin efni sem eru í senn fræðandi og skemmtileg.

Markmið þessara skrifa er hinsvegar að benda þér á hversu hvimleitt og leiðinlegt það er að hafa greinar inni á vefsíðunni sem eru ekki tilbúnar (t.d. Ofurnám - bylting í námstækni). Ég hafði vafrað um síðuna um stund og rak svo augun í þessa grein. Formáli hennar var birtur en þegar ég ætlaði að lesa greinina og forvitnast um þessa nýju lærdómsleið (sem ég er afar forvitin um) þá fékk ég þau skilaboð að greinin væri því miður ekki tilbúin. Þetta er afar villandi í sambandi við efnismagn síðunnar og beinlínis fælir fólk frá. Mér finnst reyndar líklegt að þetta sé einungis galli í vefkóðanum eða einhverju álíka þar sem formáli greinarinnar var birtur en ekki greinin sjálf.

Þetta er þó það eina sem ég sé athugavert við þessa ágætis síðu. Afsakaðu nöldrið og gangi þér vel!

Hvað get ég sagt? Þetta er alveg hárrétt hjá þér varðandi greinina um ofurnámið og einnig vantar greinina um Erlu Stefánsdóttir. Allir aðrir tenglar eru þó í lagi. Bæti úr þessu við fyrsta tækifæri!